Toshkent viloyatida mast holda mashina haydash bilan bog‘liq 3500 dan ko‘proq qoidabuzarlik aniqlandi. Bu haqda “Daryo”ga viloyat IIB YHX xabar berdi.
“2017-yil davomida viloyat hududida 29 ta mast holdagi haydovchi ishtirokida yo‘l-transport hodisalari sodir etilib, ularda 30 nafar shaxs turli darajada tan jarohatlari olgan. 2018-yilda bu kabi fojiali holatlarni barvaqt aniqlash va oldini olish maqsadida Toshkent viloyati IIB YHX xizmati xodimlari tomonidan viloyat xududida bir qator profilaktik tadbirlar o‘tkazib kelinmoqda”, — deyiladi xabarnomada.
O‘tkazilgan tadbirlar davomida va YPX xodimlarining kunlik xizmat faoliyati jarayonida yo‘l harakati ishtirokchilari tomonidan jami 3559 ta transport vositasini mast holda boshqarish qoidabuzarliklari aniqlanib, tegishliligi bo‘yicha belgilangan tartibda chora ko‘rish uchun sud idoralariga yuborilgan.
O‘z navbatida, o‘tgan davrda sud organlari tomonidan 2907 ta ishlar ko‘rib chiqilib, 1743 ta haydovchilarga transport vositasini boshqarish xuquqidan mahrum etish jazosi, 90 ta haydovchilarga ma’muriy qamoq jazosi, 61 ta haydovchilarga jarima jazolari tayinlangan.
Izoh (0)