Xalqaro kosmik stansiyada bo‘lib turgan rossiyalik kosmonavtlar ichimlik suvisiz qoldi. Suyuqlikda sariq aralashma aniqlangan. Natijada rossiyaliklar suvni amerikaliklardan olishga majbur bo‘lgan. Bu haqda “MK.ru” xabar berdi.
Ma’lum qilinishicha, aralashma suv isitish blokida ko‘pik paydo bo‘lishining natijasi hisoblanadi. Bu apparat kosmonavtlar orasida “samovar” deb nomlanadi.
Qayd etilishicha, bu muammo nosoz blokni almashtirish yo‘li bilan bartaraf etiladi. Ayni vaqtda kosmonavtlarni suv bilan amerikalik hamkasblar ta’minlamoqda.
Rossiya yoki Amerika qismida qurilmalarni shtat tartibida almashtirish amalga oshirilganda hamkorlarning resurslaridan foydalanish odatiy holat hisoblanadi. Bu parvozlar dasturida ham belgilangan.
Izoh (0)