Aqto‘beda 52 nafar o‘zbekistonlik halok bo‘lgan avtobus egasi qochuvda ekanligi ma’lum bo‘ldi

Qozog‘iston bosh prokuraturasida bo‘lib o‘tgan brifingda Aqto‘bedagi avtobusda 52 nafar o‘zbekistonlikning halok bo‘lishiga oid jinoiy ishning borishiga izoh berildi. Bu haqda Tengrinews ma’lum qildi. 

Bosh prokuratura jamoatchilik manfaatlari himoyasi xizmati boshlig‘i Azamat Dyusembekovga ko‘ra, jinoiy ish deyarli yakunlangan va gumonlanuvchi va ularning advokatlari tanishuvida bo‘lib turibdi. 

“Ular aybini tan olmadi. Ammo ularga qanday modda qo‘yilmoqda? ‘Ikki va undan ortiq kishining o‘limiga olib kelgan transport vositalaridan foydalanish qoidalarining buzilishi’. Shu sababli hech qanday mas’uliyat yoki javobgarlik yo‘qligi haqida gap bo‘lishi mumkin emas”, — dedi Dyusembekov. 

Shuningdek, prokuratura vakili avtobus egasi Mextiyevga nisbatan ham jinoiy ish qo‘zg‘algani, biroq u qochuvda ekanligini ma’lum qildi.