10 апрелнинг эътиборга молик янгиликлари — «Дарё»нинг кечки дайжестида.
1. Ўзбекистон шаҳарларида тезлик 60 км/соатгача пасайтирилиши мумкин. Ҳозирча бу ҳақдаги концепция жамоатчилик муҳокамасига қўйилган.
2. Ўзбекистонда қарздорлиги бўлган шахсларнинг чет элга чиқиши чекланиши мумкин. Масалан, иссиқ сувдан энг кам иш ҳақининг икки бараваридан кўпроқ миқдорда қарздор бўлсангиз сизга банклар ҳам кредит бермайди. Агар Мажбурий ижро бюроси режалаштираётган ҳамма лойиҳалар амалга ошса.
3. Bloomberg: Алишер Усмоновнинг мол-мулки 255 млн долларга камайди. Умуман олганда, Россиялик миллиардерлар бир кунда 12 миллиард доллар йўқотди. Бунга АҚШнинг янги санкциялари сабаб.
4. Россияда нега Ўзбекистонда ишлаб чиқарилаётган автомобиллар қимматлашди? Биринчи сабаб — Россияда утилизация бўйича тўлов ҳажмининг ошиши билан боғлиқ.
5. ОАВ: Самвел Бабаян Латвияда ўзбек футболи ва ўзбекистонлик мураббийларнинг савиясини кўрсатишга ваъда берди. ЎФА Бабаянни бир умрга футболдан четлатган эди, бироқ, маълум бўлишича, 1 февралда бу қарор бекор қилинган.
Изоҳ (0)