Xitoyning SF Motors kompaniyasi SF5 krossoverini yaratdi. Yangi avtomobil mast haydovchilarga o‘zini boshqarishga ruxsat bermaydigan tizim bilan jihozlangan. Bu haqda The Verge nashriga tayanib, “Korrespondent.net” xabar berdi.
Avtomobil mualliflari hozircha mazkur tizim qanday ishlashi haqida batafsil ma’lumotlarni ochiqlamadi. Biroq ta’kidlanishicha, unga haydovchining chiqargan nafasini kuzatib bora oladigan datchik o‘rnatilgan.
Avtomobil bir marta quvvatlanish orqali 500 kilometr masofani bosib o‘tishga qodir akkumulyator bilan jihozlangan. Shuningdek, avtomobilga 1000 ot kuchiga ega dvigatel o‘rnatilgan. Buning natijasida krossover 100 km/soat tezlikka 3 soniyada erisha oladi.
Izoh (0)