“O‘zbekiston havo yo‘llar” MAK 31-mart kuni bahor oyining oxiriga qadar “Toshkent — Nyu-York — Toshkent” yo‘nalishi bo‘yicha qatnaydigan reyslarning tarif qiymatlari pasaytirilganini ma’lum qildi, deb xabar berdi “Gazeta.uz”.
Ma’lumotlarga ko‘ra, “S” toifali ekonom-klass chiplarining narxi bir tomon uchun 288 yevroga qadar (minus 89 yevro), ikkala yo‘nalish bo‘yicha esa — 496 yevrogacha (minus 125 yevro) tushirilgan. Biroz qimmatroq bo‘lgan “O” toifali ekonom-klass chiptalari narxi 377 yevrogacha (minus 60 yevro), ikkala yo‘nalish bo‘yicha — 621 yevroga qadar (minus 100 yevro) tushirilgan.
“O‘zbekiston havo yo‘llari” joriy yilning 5-aprelidan boshlab “Toshkent — Nyu-York — Toshkent” yo‘nalishida ikkinchi muntazam qatnovni yo‘lga qo‘yadi. 29-maydan 17-sentabrga qadar esa ushbu yo‘nalish bo‘yicha uchinchi muntazam qatnovlar — har seshanba kuni amalga oshiriladi.
Toshkentdan Nyu-Yorkka uchuvchi yo‘lovchilarning katta qismini Samarqand shahri va Samarqand viloyati fuqarolari tashkil etganligi sabab, MAK 4-apreldan 31-mayga qadar “Samarqand — Toshkent” reysini har chorshanba va shanba kunlari maxsus tarif va Nyu-Yorkkacha qaydnomadan o‘tish bilan yo‘lga qo‘yadi.
Samarqand aeroportidan uchuvchi yo‘lovchilar o‘z yuklarini (agar o‘rindiqlar mavjud bo‘lsa) Nyu-Yorkka qadar ro‘yxatdan o‘tkazishlari (transatlantik reysdagi kabi ikkita o‘rindiq uchun og‘irligi 23 kilogramm bo‘lgan yuklar) va Nyu-Yorkka uchuvchi reysga chiqish talonini qo‘lga kiritishlari mumkin.
Toshkent aeroportida tranzit yo‘lovchilar mahalliy reyslar terminalidan xalqaro reyslar terminaliga shattl-baslar yordamida yetkaziladi.
Aviakompaniyadagilarning ma’lum qilishicha, ayni vaqtda Nyu-Yorkka uchuvchi shu turdagi reyslarni O‘zbekistonning boshqa aeroportlarida ham ochish masalasi ko‘rib chiqilmoqda.
“Toshkent — Nyu-York — Toshkent” yo‘nalishi bo‘yicha parvozlar Boeing-787 Dreamliner samolyotlari orqali amalga oshiriladi.
Izoh (0)