Biroz avval Qo‘qonda “Qo‘qon-1912” “Navbahor”ni qabul qilib, mehmonlar legioneri Tomislav Payovichning 76-daqiqada o‘z darvozasiga yo‘llagan avtogoli sabab 3 ochkoni qo‘lga kiritgani haqida xabar berilgandi.
Umid Ahmadjonov ochilish marosimida chiqish qilib, Prezident Shavkat Mirziyoyev qarori bilan Qo‘qon shahrida yangi zamonayiy stadion qurilishini ma’lum qilgan. Shuningdek, o‘zbek futboli haqida o‘zbek sporti jurnalistikasi asoschilaridan bo‘lgan Axbor Imomxo‘jayevning katta kitobi nashrga tayyorlanayotganini ta’kidlagan.
O‘FA xabariga ko‘ra, bugungi uchrashuvni bevosita “Markaziy” stadionida kuzatib borish uchun 12 278 nafar muxlis tashrif buyurgan. Stadionga esa jami 10 ming nafar muxlis sig‘adi.
Stadion tribunalaridan tashqari , chiqish zinalari, yo‘laklar — hammasidan muxlislar joy olgan. Quyida o‘yin oldi va o‘yin vaqti olingan fotosuratlar jamlanmasini tomosha qilishingiz mumkin.
Izoh (0)