Toshkent shahar hokimi 26-mart kuni “Toshkent shahrida 2017—2018-yilgi isitish mavsumini yakunlash to‘g‘risida”gi 471-sonli qarorga imzo chekdi. Bu haqda Toshkent shahar hokimligi axborot xizmati xabar bermoqda.
Qarorga ko‘ra, 26-martdan boshlab poytaxtdagi markazlashgan issiqlik ta’minotidan foydalanuvchi-iste’molchilarni issiqlik bilan ta’minlash, ya’ni isitish mavsumi yakunlanadi.
Navbatdagi mavsum poyoniga yetdi. Shu bilan birga, qarorda “Toshissiqquvvati” IChB UK, “Toshkent issiqlik elektrmarkazi”, “Toshkent issiqlik markazi” AJ, tuman hokimliklari hamda Xususiy uy-joy mulkdorlari shirkatlariga 2018—2019-yilgi isitish mavsumiga tayyorgarlik ishlarini olib borish bo‘yicha tegishli topshiriqlar berilgan, deyiladi xabarda.
Izoh (0)