O‘zbekiston Markaziy banki onlayn-zayomlarni joriy qilishni taklif etmoqda. Bu normativ-huquqiy hujjatlar muhokamasi portaliga
joylashtirilgan “Bank xizmati mijozlari bilan aloqalarni amalga oshirishda tijorat banklari faoliyatiga qo‘yiladigan minimal talablar to‘g‘risida”gi qonun loyihasida ko‘zda tutilgan, deya
xabar beradi Spot.
Foto: Markaziy bankHujjatda onlayn-zayomlar — internetda yoki qonun bilan ruxsat berilgan boshqa usullar bilan mikrozayom shartnomalarini joriy qilish taklif etilgan. Bunda mijozning bank bilan munosabatlari masofaviy tarzda amalga oshiriladi.
Ushbu xizmat taqdim etilganda mikrozayom summasi naqdsiz ko‘rinishda beriladi. Bu hisob-raqam ochmagan holatdagi pul o‘tkazmalariga ham tegishli.
Shuningdek, banklar onlayn-zayom olganlar shartnomalari bo‘yicha majburiyatlarining bajarilishini kuzatib borishi va bank xodimlari bilan muloqotda bo‘lishi uchun o‘z saytlarida shaxsiy kabinetlar ochishi ko‘zda tutilmoqda.
Hujjat joriy yil 12-aprelgacha muhokama qilinishi, 25 apreldan esa kuchga kirishi rejalashtirilgan.
Izoh (0)