Shimol yog‘dusini kuzatish istagida bo‘lgan kishilar uchun Finlyandiyada ko‘chma mehmonxona paydo bo‘ldi, deb xabar beradi “Korrespondent.net”.
Chana ustida harakatlanuvchi mehmonxonadagi har bir xonaning uzunligi to‘rt yarim metr, eni esa ikki yarim metrni tashkil etadi.
Mehmonxona ichida karavot, stol, isitgich va hojatxona mavjud. Har bir xona devor va shifti shaffof materialdan ishlangan.
Mehmonxonaga tashrif buyuruvchilar Shimol yog‘dusini yotgan holda ham tomosha qilishi mumkin. Yangi mehmonxonada hammasi bo‘lib uchta xona bor. Mehmonxonani bron qilish aprel oyining o‘rtalariga qadar davom etadi.
Izoh (0)