O‘tgan yili yozda Rossiyaning Omsk viloyati Azovo qishlog‘ida daydi it egasidan qochib ketgan quyon bilan do‘stlashgan edi, deb xabar beradi TJournal.
Jonivorlar yonma-yon yashardi. Quyon o‘z inida, it esa uning yonida. Oradan bir muddat vaqt o‘tganidan so‘ng yoki itni otib tashlashdi, yoki uni mashina urib yubordi. It o‘limidan oldin bolalarini quyonning uyasiga sudrab chiqardi, shundan so‘ng o‘ldi. Shundan so‘ng quyon kuchuklarni qaramog‘iga oldi.
Bu jarayonni mahalliy aholi vakillaridan biri chetdan kuzatdi. Quyonga alohida yegulik, kuchuklarga esa alohida yemak sotib oldi.
Quyon va kuchukchalar haqida ijtimoiy tarmoqlarda e’lon qilingach, internet foydalanuvchilari kuchukchalarni boqib olgan. Ulardan biri quyonni ham qaramog‘iga olgan.
Izoh (0)