Mahalliy radikal tashkilot vakillari 23-fevral, juma kuni tongda Yaponiyadagi Shimoliy Koreya fuqarolari assotsiatsiyasi binosi darvozasiga qarata o‘q uzdi. Bu haqda “RIA Novosti” xabar bermoqda.
Kyodo agentligiga ko‘ra, ular tashkilot binosiga yaqinlashib, darvozaga qarata bir necha o‘q uzdi. Hodisada hech kim jabrlanmadi.
Ikki erkak binoni qo‘riqlayotgan politsiya xodimlari tomonidan noqonuniy qurol saqlashda gumon qilinib, qo‘lga olindi.
Ma’lumot uchun, Yaponiyadagi Shimoliy Koreya fuqarolari assotsiatsiyasi ikki davlat o‘rtasida diplomatik aloqalar bo‘lmagani sababli deyarli KXDR elchixonasi vazifasini bajaradi.
Izoh (0)