Dunyodagi eng yirik internet-riteyler Amazon kompaniyasi bozor qiymati bo‘yicha tarixda ilk bor Microsoft IT-gigantidan o‘zib ketdi. Bu haqda “Korrespondent.net” xabar bermoqda.
Amazon bozor qiymati bo‘yicha dunyo kompaniyalari orasida uchinchi o‘rinni egalladi. Birinchi ikki o‘rinni Amerikaning Apple kompaniyasi (849,24 milliard dollar) va Alphabet xoldingi (744,73 milliard dollar) egalladi.
14-fevral, chorshanba kungi savdo natijalariga ko‘ra, Amazon kompaniyasining bozor qiymati 702,46 milliard dollar, Microsoft’niki esa 700,56 milliard dollarni tashkil etdi.
Amazon’ning bir dona aksiyasi narxi 2,6 foizga o‘sib, 1 451 dollarni tashkil etdi. Microsoft’da bu ko‘rsatkich 1,6 foiz — 90,81 dollardan iborat bo‘ldi.
Izoh (0)