Namanganda mahallalarda jinoyatchilik va huquqbuzarliklarning oldini olish maqsadida uyushmagan hamda muddatli harbiy xizmatni o‘tab qaytgan yoshlardan iborat ko‘ngillilarning “Jasorat” klublari tashkil etilgandi. Bu haqda “Daryo” muxbiri xabar berdi.
Hozirgi kunga qadar shahar va tumanlarda 300 nafarga yaqin yoshlar “Jasorat” klublariga a’zo bo‘ldi, 40 dan ziyod profilaktik tadbirda faol ishtirok etdi.
Uning faoliyat doirasi kundan-kunga kengayib bormoqda. Endilikda viloyatdagi 770 ta mahallada “Jasorat” klublari ish olib boradi.
Ko‘ngilli yoshlar faoliyatidan mamnun bo‘lgan viloyat hokimi mazkur klublarni otaliqqa olib, har tomonlama qo‘llab-quvvatlash istagini bildirdi. Ularning a’zolari yaqin kunlarda viloyat hokimligi tomonidan maxsus kiyimlar bilan ta’minlanadi.
Izoh (0)