Наманганда маҳаллаларда жиноятчилик ва ҳуқуқбузарликларнинг олдини олиш мақсадида уюшмаган ҳамда муддатли ҳарбий хизматни ўтаб қайтган ёшлардан иборат кўнгиллиларнинг «Жасорат» клублари ташкил этилганди. Бу ҳақда «Дарё» мухбири хабар берди.
Ҳозирги кунга қадар шаҳар ва туманларда 300 нафарга яқин ёшлар «Жасорат» клубларига аъзо бўлди, 40 дан зиёд профилактик тадбирда фаол иштирок этди.
Унинг фаолият доираси кундан-кунга кенгайиб бормоқда. Эндиликда вилоятдаги 770 та маҳаллада «Жасорат» клублари иш олиб боради.
Кўнгилли ёшлар фаолиятидан мамнун бўлган вилоят ҳокими мазкур клубларни оталиққа олиб, ҳар томонлама қўллаб-қувватлаш истагини билдирди. Уларнинг аъзолари яқин кунларда вилоят ҳокимлиги томонидан махсус кийимлар билан таъминланади.
Изоҳ (0)