24-yanvarning e’tiborga molik yangiliklari — “Daryo”ning kechki dayjestida.
1. Farg‘ona viloyati hokimi Aqto‘be bo‘yicha yig‘ilishda toshloqliklarni “haromi” deb atab, ularning Hajga borishini taqiqladi. “Haromi” degani nima? O‘zbek tilining izohli lug‘ati javob beradi.
2. Aqto‘beda halok bo‘lgan o‘zbekistonliklarga bag‘ishlangan xayriyada 160 mln so‘m yig‘ildi. “Eslatib o‘tamiz, dastlabki rejalarimiz bo‘yicha, xalqimizning sahovati natijasida har bir marhumning oilasiga 10 million so‘mdan ajratishni niyat qilganmiz”.
3. Toshkentda uy-joyni propiskasiz rasmiylashtirish tartibi bo‘yicha hujjatlar loyihasi 20-martgacha ishlab chiqiladi. Loyihalar 2018-yil davomida tasdiqlanishi mumkin. Mazkur hujjatlar kuchga kirganidan keyingina amaliy ishlarga kirishiladi.
4. O‘zbekistonda ID-kartalar bosqichma-bosqich joriy etiladi. Shunday qilib, qo‘limizdagi pasportlarimiz xorijga chiqish pasportlariga aylanmasligi ehtimoli katta.
5. O‘zbekistonda ob-havoning keskin sovib ketishi kutilmoqda. Kutilayotgan sovuqlar avtotransport, aloqa, energetika va kommunal xizmatlar ishini qiyinlashtirishi mumkin.
Izoh (0)