O‘zini “Orzu va hayot” loyihasi rahbari sifatida tanishtirgan Ilhomjon Qosimov Facebook’dagi sahifasida Aqto‘bedagi fojia qurbonlariga bag‘ishlangan “Ta’ziya marafoni” haqida xabar joylashtirgan.
Xabarda, jumladan, shunday deyiladi:
“52 nafar navqiron yigit rixlatga ketdi. Ular endi qaytmaydi, siymolari oilasi, yaqinlari orasida xotira bo‘lib qoladi.
22-yanvar, dushanbadan butun respublikamiz bo‘ylab avtomashinamizda aylanib, xayriya mablag‘i va buyumlar yig‘ishni maqsad qildik. Yig‘ilgan mablag‘ judolikka yuz tutgan oila a’zolariga taqsimlab beriladi”.
Xabarda “Ta’ziya marafoni” Toshkentdan yo‘lga chiqqani bildirilgan.