12-yanvarning e’tiborga molik yangiliklari — “Daryo”ning kechki dayjestida.
1. Shavkat Mirziyoyev Vatan himoyachilari kuni munosabati bilan tabrik yo‘lladi. “Jonajon Vatanimizni himoya qilishdek g‘oyat sharafli va mas’uliyatli vazifani ado etishda barchangizga katta yutuqlar, oilaviy baxt-saodat tilayman!”.
2. Shavkat Mirziyoyev sobiq mudofaa vaziri Qobul Berdiyevni keskin tanqid qildi. Xabar berishlaricha, Mudofaa vazirligi tizimida ommaviy bo‘shatishlar yuz bergan.
3. O‘zbekiston IIV: Propiskani butunlay bekor qilolmaymiz. Bunga alohida tayyorgarlik zarur. Aholi esa Toshkentdagi vaqtinchalik propiska muddati 6 oy emas, bir necha yil bo‘lishini so‘ramoqda.
4. Toshkent IIBB uy-joylar ommaviy ravishda musodara qilinayotganini rad etdi. Fohishaxona saqlaganlik haqidagi soxta ishlar bilan ommaviy ravishda uylar va kvartiralar musodara qilingani haqidagi maqola AsiaTerra saytida chiqqan edi.
5. O‘zbekiston U23 termasi Xitoy darvozasiga 1 ta aniq zarba berdi va yakunda g‘olib chiqdi. Ravshan Haydarov qo‘l ostidagi o‘zbekistoniklar so‘nggi turda Ummon bilan hisob-kitob qiladi.
Bonusiga: Toshkentda bo‘lib o‘tgan harbiy festivaldan “Daryo” fotoreportaji.
Izoh (0)