BAAda ishga joylashmoqchi bo‘lgan muhojirlar uchun yangi qoida kiritildi

Muhojirlarning Birlashgan Arab Amirliklarida ishga joylashishi borasidagi qoidalarga o‘zgartirishlar kiritildi, deb yozadi UAE Inside. BAA Koordinatsiya qo‘mitasiga ko‘ra, BAAga ishchi vizasini olmoqchi bo‘lgan muhojirlar endi sudlanmaganlik haqida ma’lumotnomani taqdim etishi kerak bo‘ladi.

Yangi qoida 2018-yil 4-fevraldan kuchga kiradi. Chet el fuqarolari ma’lumotnomani o‘z vatanidan yoki o‘zlari besh yil yashagan boshqa istalgan mamlakatdan olishi kerak.

Ushbu chora yanada xavfsiz jamiyatni yaratish va BAAni dunyodagi eng xavfsiz mamlakatlardan biriga aylantirish uchun ko‘rilgan.

Qo‘mita aniqlik kiritishicha, BAAga qisqa muddatli tashrif bilan yoki sayyohlik vizasi bilan keluvchilar uchun bunday ma’lumotnoma talab qilinmaydi.