Farg‘ona shahridagi Islom Karimov nomidagi teatr-konsert saroyi xiyobonida zamonaviy harbiy texnika va qurol-aslahalar namoyishi, askar va serjantlar, kursantlarning ko‘rgazmali chiqishlari barchaga manzur bo‘ldi. Bu haqda O‘zA xabar bermoqda.
Qurolli Kuchlar tashkil etilganining 26 yilligi va Vatan himoyachilari kuniga bag‘ishlangan, “Milliy armiya yoshlarning mardlik, matonat va jasorat maktabidir” shiori ostida o‘tkazilgan harbiy-vatanparvarlik festivali katta shodiyonaga aylandi.
Mazkur festival Qurolli Kuchlar faoliyatining ochiq-oshkoraligini ta’minlash, yosh avlodni harbiy-vatanparvarlik, yurtga sadoqat va milliy qadriyatlarga hurmat ruhida tarbiyalash, o‘z taqdirini Vatan taqdiri, deb bilgan yoshlar qalbida faxr-iftixor tuyg‘ularini yanada yuksaltirishda muhim ahamiyat kasb etadi, deb ta’kidlanadi xabarda.
Izoh (0)