Hindiston shimolida avtobusning daryoga qulashi oqibatida kamida 30 kishi halok bo‘ldi, yana 15 kishi jarohatlandi, deb xabar beradi “RIA Novosti”.
Avtobus Rojastondagi Savay-Madxopur shahridan Lalsot aholi yashash punktiga yo‘l olgan edi.
Dastlabki ma’lumotlarga ko‘ra, haydovchi yuqori tezlik tufayli boshqaruvni yo‘qotgach avtobus ko‘prikdan daryoga qulagan.
“Savay-Madxopur shahridagi Banas daryosiga avtobus qulash oqibatida kamida 30 kishi halok bo‘ldi, yana 15 kishi jiddiy jarohat oldi”, — deyiladi xabarda.
Jarohatlanganlar shifoxonaga joylashtirilgan, hodisa joyida qutqaruv operatsiyalari olib borilmoqda.
Mamlakat bosh vaziri Narendra Modi halok bo‘lganlarning oila a’zolariga ta’ziya izhor etgan.
Izoh (0)