Isroil mudofaa armiyasi samolyoti 18-dekabr kuni yahudiylar mamlakati hududiga raketa otilishiga javoban G‘azo sektorining shimoliy qismida joylashgan HAMAS mashg‘ulot lageriga zarba berdi, deb yozadi “TASS”.
“Isroil janubi bo‘ylab uchirilgan raketalarga javoban mamlakat harbiy-havo kuchlari G‘azo sektorining shimoliy qismida joylashgan HAMAS mashg‘ulot lageriga zarba berdi. Lager hududidagi uchta tuzilma, shuningdek terrorchilik infratuzilmasining qo‘shimcha elementlariga zarar yetkazildi”, — deyiladi xabarda.
Shuningdek, armiya vakillari “HAMAS terrorchilik tashkilotini G‘azo sektoridan amalga oshirilgan istalgan adovatli harakatga javobgar deb hisoblashini” ham qo‘shimcha qilgan.
G‘azo sektoridan uchirilgan ikki raketa 17-dekabr, yakshanba kuni Isroil janubidagi Xof-Ashkelon kengashi hududida portlagan.
Birinchi raketa aholi yashash joyidagi uylardan biriga zarar yetkazib, uning hovlisida portlagan. Ikkinchi raketa esa aholi yashamaydigan hududga tushgan.
Izoh (0)