Moskvaning tegishli tashkilotlari joriy yilda mehnat muhojirlariga 323 mingta patent taqdim etdi. Bu haqda iqtisodiy siyosat va rivojlanish departamenti rahbari Vladimir Yefimov “RBK”ga ma’lum qildi.
“Saxarovodagi ko‘p funksiyali migratsion markaz 2017-yilning dastlabki to‘qqiz oyida 323 mingta patent berdi — bu o‘tgan yilning shu davriga nisbatan 10 foizga ko‘proq”, — dedi u.
Amaldorning so‘zlariga qaraganda, har yili muhojirlarga 400 mingta atrofida patent beriladi. Murojaatlarning yarmidan ko‘pini ilgari patent olib bo‘lgan mehnat muhojirlari topshiradi.
Patentlarning 46 foizi O‘zbekiston fuqarolariga, 32 foizi esa tojikistonliklarga taqdim etildi. Ulardan keyingi o‘rinlarda Ukraina (12 foiz), Moldova (7 foiz) va Ozarbayjon (3 foiz) fuqarolari turibdi.
Izoh (0)