2017-yilning 7-oktabrida e’lon qilingan “Toshkent shahri Uchtepa tumanida kichik sanoat zonasini tashkil etish to‘g‘risida” gi hukumat qaroriga muvofiq mazkur tumanda kichik sanoat zonasi tashkil etiladi. Bu haqda UzDaily xabar bermoqda.
Kichik sanoat zonasi AOKS Plus Business MChJ (sobiq “Signal” ilmiy-ishlab chiqarish birlashmasi) binosi bazasida tashkil etiladi.
Hukumat tomonidan bir oy muddat ichida “Uchtepa” sanoat zonasi direksiyasini shakllantirish topshirildi. Shuningdek, ikki oy ichida uning hududiga joylashtiriladigan investitsion loyihalar grafigini tasdiqlash topshirig‘i berilgan.