5-oktabrning e’tiborga molik yangiliklari — “Daryo”ning kechki dayjestida.
1. Foto: Almazbek Atamboyevni rafiqasi bilan birga kutib olgan Shavkat Mirziyoyev. Tashrif doirasida O‘zbekiston va Qirg‘iziston o‘rtasida 10 dan ortiq hujjat imzolandi.
2. Farg‘onada yosh yigitni vaxshiylarcha do‘pposlab, uni tasvirga olgan 5 nafar fuqaro qo‘lga olindi. 29-sentabrda ijtimoiy tarmoqlarda bir necha kishi bir yigitni vahshiylarcha do‘pposlayotgani va haqorat qilayotgani aks etgan videorolik tarqalgan edi.
3. O‘zbekistonda 2018-yildan paxta terish mashinalarini ishlab chiqarish keskin o‘sadi. Bundan tashqari, paxta dalalari maydoni 14,5 foizga qisqartiriladi.
4. Tibbiyot oliygohlarining budjetda o‘qigan bitiruvchilari propiska joyiga qarab qishloq vrachlik punktlari bo‘ylab taqsimlanadi. Majburiy ishlab berishdan bosh tortgan bitiruvchi davlat budjetiga eng kam ish haqining 400 barobari miqdorida badal to‘laydi.
5. O‘zbekistonda Fuqarolarning kafolatlangan mehnat huquqlarini ta’minlash masalalari bo‘yicha Parlament komissiyasi tuziladi. Muhokama yakunlariga ko‘ra majlis ishtirokchilari xalqaro tashkilotlarni, moliya institutlarini majburiy mehnatga yo‘l qo‘ymaslik yuzasidan O‘zbekistonda amalga oshirilayotgan chora-tadbirlarga baho berishda xolis bo‘lishga da’vat etdi.
Izoh (0)