Ўзбекистонга ташриф буюрган Атамбоев, машинада териладиган пахта, беш киши томонидан дўппосланган фарғоналик йигит иши ва куннинг бошқа муҳим хабарлари

5 октябрнинг эътиборга молик янгиликлари — «Дарё»нинг кечки дайжестида.

1. Фото: Алмазбек Атамбоевни рафиқаси билан бирга кутиб олган Шавкат Мирзиёев. Ташриф доирасида Ўзбекистон ва Қирғизистон ўртасида 10 дан ортиқ ҳужжат имзоланди.

2. Фарғонада ёш йигитни вахшийларча дўппослаб, уни тасвирга олган 5 нафар фуқаро қўлга олинди. 29 сентябрда ижтимоий тармоқларда бир неча киши бир йигитни ваҳшийларча дўппослаётгани ва ҳақорат қилаётгани акс этган видеоролик тарқалган эди.

3. Ўзбекистонда 2018 йилдан пахта териш машиналарини ишлаб чиқариш кескин ўсади. Бундан ташқари, пахта далалари майдони 14,5 фоизга қисқартирилади.

4. Тиббиёт олийгоҳларининг бюджетда ўқиган битирувчилари прописка жойига қараб қишлоқ врачлик пунктлари бўйлаб тақсимланади. Мажбурий ишлаб беришдан бош тортган битирувчи давлат бюджетига энг кам иш ҳақининг 400 баробари миқдорида бадал тўлайди.

5. Ўзбекистонда Фуқароларнинг кафолатланган меҳнат ҳуқуқларини таъминлаш масалалари бўйича Парламент комиссияси тузилади. Муҳокама якунларига кўра мажлис иштирокчилари халқаро ташкилотларни, молия институтларини мажбурий меҳнатга йўл қўймаслик юзасидан Ўзбекистонда амалга оширилаётган чора-тадбирларга баҳо беришда холис бўлишга даъват этди.