O‘zbekistonlik jurnalist Ahmad Eshmatov Checheniston prezidenti Ramzan Qodirov bilan suhbat uyushtirdi. Bu haqda uning o‘zi “Daryo”ga ma’lum qildi va suhbatini taqdim etdi.
Bunda suhbat asosan O‘zbekiston va mamlakat sporti haqida borgan. Suhbat davomida Qodirov O‘zbekistonni qardosh mamlakat sifatida atab, u haqda faqat iliq fikrlar bildirgan.
“Assalomu alaykum. Butun O‘zbekiston xalqiga eng yaxshi tilaklarimni bildiraman”, — deb so‘z boshlagan Ramzan Qodirov. Quyida uning fikrlari bilan tanishish mumkin.
O‘zbekiston dunyoning eng kuchli boks mamlakatlaridan biri. U havaskor boksda qanday natijalar qayd etayotganini ko‘rib turibman, bundan juda ham xursandman. O‘zbekiston qardosh mamlakat va bu yurtga nisbatan mehrim bo‘lakcha.Qodirov suhbat davomida “Ahmat” promouterlik kompaniyasi bilan hamkorlikda ishlayotgan o‘zbekistonlik Nursulton Ro‘ziboyev va uning saviyasi haqida fikr bildirgan.Yurtingiz professional boksda ham chakki emas. Rossiyadagi professional boks kechalarida O‘zbekiston vakillarini tez-tez uchrataman. Ularning havaskor boksdagi poydevori mustahkam ekanligi ko‘rinib turibdi.
O‘zbekiston erkin va yunon-rum kurashi, dzyudo yakkakurash turlarida ham jahonda o‘z o‘rniga ega. Undagi ko‘p sportchilarni nomma-nom bilaman, befarq emasman. Ularga omad va zafar yor bo‘lsin!
Ramzan Qodirov, Checheniston prezidenti
Nursultonni ikki yildan buyon bilaman, janglarini kuzataman. Unda professional sportchiga xos barcha narsa bor. Kamtarin, raqiblariga nisbatan doimo hurmat saqlaydi. Shunday jangchilar bor, saviyasi past, lekin ringda o‘zini ahmoqlarcha tutadi. O‘ylaymanki, Nursultonning kelajagi porloq va u bilan hamkorligimiz uzoq vaqt davom etadi. Bu borada qanday yordam kerak bo‘lsa, men tayyorman.Ramzan Qodirov, Checheniston prezidenti
Ruslan Chagayev boksdagi so‘nggi yillarini aynan Ramzan Qodirov yordamida o‘tkazgandi. Keyinroq u qo‘lqoplarini mixga ildi.
Ruslan buyuk bokschi! Uning ringdagi natijalariga faqat havas qilish mumkin. Boksni tark etishi borasida bir nima deya olmayman. Bu uning qarori va tanlovi. O‘ylaymanki, bundan keyin ham uning boksga katta nafi tegadi. Balki kelajakda o‘zidan-da mohir shogirdlar yetishtirib berar...Ramzan Qodirov, Checheniston prezidenti
Jurnalist MMA mavzusiga o‘tib, o‘z qarichi bilan Rossiyadagi uch maktab nomini sanab bergan: Kavkaz maktabi, Fyodor Yemelyanenko maktabi va Aleksandr Shlemenko maktabi. Biroq Ramzan Qodirov ham o‘z qarichlaridan chetlamay, ularning faqatgina 1 tasini — o‘ziga yaqinrog‘ini tan olgan.
Faqatgina Kavkaz maktabi degan fikringizga qo‘shilaman. Chunki maktab umumiy tushuncha.Jurnalistning aytishicha, o‘tgan yil O‘zbekiston va Chechenistonning birinchi prezidentlari — Islom Karimov va Ahmad Qodirov xotirasiga bag‘ishlangan professional boks musobaqasi o‘tkazilgan. Biroq unga Checheniston vakillari tashrif buyurmagan.Fyodor va Aleksandrning o‘zlari, keyinroq shogirdlari natija qayd etayotgani bor gap. Siz shundan kelib chiqib fikr bildiryapsiz. Lekin maktab va klubni aralashtirmagan bo‘lardim. Fyodor va Aleksandr juda kuchli jangchilar, ularga doim xayrixoh bo‘lib kelganman. Lekin ulardan avval ham Rossiyada MMA maktabi mavjud bo‘lgan. Kavkaz maktabi esa boshqa tushuncha.
E’tibor bering, bu mintaqada ko‘plab respublikalar mavjud. Ular birgalikda o‘ziga xos maktab hosil qildi. Rossiya promoushenlari orasida Kavkaz va Sibir maktabi vakillari hozirgi kunda UFC’da yuqori natijalar qayd etmoqda.
Ramzan Qodirov, Checheniston prezidenti
Islom Abdug‘aniyevichni shaxsan qattiq hurmat qilardim, Alloh rahmatiga olgan bo‘lsin!Ramzan Qodirov O‘zbekiston haqida yaxshi tasavvurga ega ekanligi haqida aytib, agar hukumatning taklifi bo‘lsa, unga albatta tashrif buyurishini ma’lum qilgan.Bu musobaqa otamning ham xotira turniri ekanligini eshitib, juda xursand bo‘lganman. O‘sha turnirda Movsar Yusupov chempionlik jangida kamarini himoya qilishi kerak edi. Afsuski, uning raqibi jangga kela olmasligini bildirdi va rejalar o‘zgartirildi.
Ramzan Qodirov, Checheniston prezidenti
O‘zbekiston haqida to‘rt yoshimdan buyon tasavvurga egaman. Chunki otam Axmadhoji Qodirov yurtingizda ta’lim olgan. O‘zbek xalqining tarixi va milliy qadriyatlaridan xabardorman. Ulardagi mehmondo‘stlik, samimiylik va pazandachilik haqida yaxshi bilaman. Samarqand, Buxoro shaharlarining ta’rifini ko‘p eshitganman. Demak, O‘zbekistonga tashrif buyurish uchun menda yetarlicha sabab bor. Agar xukumat tomonidan taklif bo‘lsa, buni xursandchilik bilan qabul qilgan va albatta, mehmonga brogan bo‘lardim.Ramzan Qodirov, Checheniston prezidenti
Suhbat davomida Ramzan Qodirov qolgan sportchilarga hurmatni saqlagani holda, o‘zi eng kuchli deb bilganlarni nomma-nom sanab o‘tmagan. Shuningdek, o‘zbek milliy kurashi haqida yetarlicha bilishini, o‘zbek jang san’ati haqida esa u qadar ko‘p bilmasligini aytib o‘tgan. Agar O‘zbekiston tomonidan taklif bo‘lsa, bu turlarni Chechenistonda rivojlantirish masalasini ko‘rib chiqishga tayyor ekani haqida aytgan.
Menda bu yurtga, bu xalqqa nisbatan muhabbat bor. Bu allomalar yurti, otamning ustozlari yurti. Shunday ekan, o‘zbek xalqiga doimo tinchlik, xotirjamik tilayman. Har bir sohada muvaffaqiyatlar yor bo‘lsin!Ramzan Qodirov, Checheniston prezidenti
Izoh (0)