Ўзбекистонлик журналист Аҳмад Эшматов Чеченистон президенти Рамзан Қодиров билан суҳбат уюштирди. Бу ҳақда унинг ўзи «Дарё»га маълум қилди ва суҳбатини тақдим этди.
Бунда суҳбат асосан Ўзбекистон ва мамлакат спорти ҳақида борган. Суҳбат давомида Қодиров Ўзбекистонни қардош мамлакат сифатида атаб, у ҳақда фақат илиқ фикрлар билдирган.
«Ассалому алайкум. Бутун Ўзбекистон халқига энг яхши тилакларимни билдираман», — деб сўз бошлаган Рамзан Қодиров. Қуйида унинг фикрлари билан танишиш мумкин.
Ўзбекистон дунёнинг энг кучли бокс мамлакатларидан бири. У ҳаваскор боксда қандай натижалар қайд этаётганини кўриб турибман, бундан жуда ҳам хурсандман. Ўзбекистон қардош мамлакат ва бу юртга нисбатан меҳрим бўлакча.Қодиров суҳбат давомида «Аҳмат» промоутерлик компанияси билан ҳамкорликда ишлаётган ўзбекистонлик Нурсултон Рўзибоев ва унинг савияси ҳақида фикр билдирган.Юртингиз профессионал боксда ҳам чакки эмас. Россиядаги профессионал бокс кечаларида Ўзбекистон вакилларини тез-тез учратаман. Уларнинг ҳаваскор боксдаги пойдевори мустаҳкам эканлиги кўриниб турибди.
Ўзбекистон эркин ва юнон-рум кураши, дзюдо яккакураш турларида ҳам жаҳонда ўз ўрнига эга. Ундаги кўп спортчиларни номма-ном биламан, бефарқ эмасман. Уларга омад ва зафар ёр бўлсин!
Рамзан Қодиров, Чеченистон президенти
Нурсултонни икки йилдан буён биламан, жангларини кузатаман. Унда профессионал спортчига хос барча нарса бор. Камтарин, рақибларига нисбатан доимо ҳурмат сақлайди. Шундай жангчилар бор, савияси паст, лекин рингда ўзини аҳмоқларча тутади. Ўйлайманки, Нурсултоннинг келажаги порлоқ ва у билан ҳамкорлигимиз узоқ вақт давом этади. Бу борада қандай ёрдам керак бўлса, мен тайёрман.Рамзан Қодиров, Чеченистон президенти
Руслан Чагаев боксдаги сўнгги йилларини айнан Рамзан Қодиров ёрдамида ўтказганди. Кейинроқ у қўлқопларини михга илди.
Руслан буюк боксчи! Унинг рингдаги натижаларига фақат ҳавас қилиш мумкин. Боксни тарк этиши борасида бир нима дея олмайман. Бу унинг қарори ва танлови. Ўйлайманки, бундан кейин ҳам унинг боксга катта нафи тегади. Балки келажакда ўзидан-да моҳир шогирдлар етиштириб берар...Рамзан Қодиров, Чеченистон президенти
Журналист MMA мавзусига ўтиб, ўз қаричи билан Россиядаги уч мактаб номини санаб берган: Кавказ мактаби, Фёдор Емельяненко мактаби ва Александр Шлеменко мактаби. Бироқ Рамзан Қодиров ҳам ўз қаричларидан четламай, уларнинг фақатгина 1 тасини — ўзига яқинроғини тан олган.
Фақатгина Кавказ мактаби деган фикрингизга қўшиламан. Чунки мактаб умумий тушунча.Журналистнинг айтишича, ўтган йил Ўзбекистон ва Чеченистоннинг биринчи президентлари — Ислом Каримов ва Аҳмад Қодиров хотирасига бағишланган профессионал бокс мусобақаси ўтказилган. Бироқ унга Чеченистон вакиллари ташриф буюрмаган.Фёдор ва Александрнинг ўзлари, кейинроқ шогирдлари натижа қайд этаётгани бор гап. Сиз шундан келиб чиқиб фикр билдиряпсиз. Лекин мактаб ва клубни аралаштирмаган бўлардим. Фёдор ва Александр жуда кучли жангчилар, уларга доим хайрихоҳ бўлиб келганман. Лекин улардан аввал ҳам Россияда MMA мактаби мавжуд бўлган. Кавказ мактаби эса бошқа тушунча.
Эътибор беринг, бу минтақада кўплаб республикалар мавжуд. Улар биргаликда ўзига хос мактаб ҳосил қилди. Россия промоушенлари орасида Кавказ ва Сибирь мактаби вакиллари ҳозирги кунда UFC’да юқори натижалар қайд этмоқда.
Рамзан Қодиров, Чеченистон президенти
Ислом Абдуғаниевични шахсан қаттиқ ҳурмат қилардим, Аллоҳ раҳматига олган бўлсин!Рамзан Қодиров Ўзбекистон ҳақида яхши тасаввурга эга эканлиги ҳақида айтиб, агар ҳукуматнинг таклифи бўлса, унга албатта ташриф буюришини маълум қилган.Бу мусобақа отамнинг ҳам хотира турнири эканлигини эшитиб, жуда хурсанд бўлганман. Ўша турнирда Мовсар Юсупов чемпионлик жангида камарини ҳимоя қилиши керак эди. Афсуски, унинг рақиби жангга кела олмаслигини билдирди ва режалар ўзгартирилди.
Рамзан Қодиров, Чеченистон президенти
Ўзбекистон ҳақида тўрт ёшимдан буён тасаввурга эгаман. Чунки отам Ахмадҳожи Қодиров юртингизда таълим олган. Ўзбек халқининг тарихи ва миллий қадриятларидан хабардорман. Улардаги меҳмондўстлик, самимийлик ва пазандачилик ҳақида яхши биламан. Самарқанд, Бухоро шаҳарларининг таърифини кўп эшитганман. Демак, Ўзбекистонга ташриф буюриш учун менда етарлича сабаб бор. Агар хукумат томонидан таклиф бўлса, буни хурсандчилик билан қабул қилган ва албатта, меҳмонга броган бўлардим.Рамзан Қодиров, Чеченистон президенти
Суҳбат давомида Рамзан Қодиров қолган спортчиларга ҳурматни сақлагани ҳолда, ўзи энг кучли деб билганларни номма-ном санаб ўтмаган. Шунингдек, ўзбек миллий кураши ҳақида етарлича билишини, ўзбек жанг санъати ҳақида эса у қадар кўп билмаслигини айтиб ўтган. Агар Ўзбекистон томонидан таклиф бўлса, бу турларни Чеченистонда ривожлантириш масаласини кўриб чиқишга тайёр экани ҳақида айтган.
Менда бу юртга, бу халққа нисбатан муҳаббат бор. Бу алломалар юрти, отамнинг устозлари юрти. Шундай экан, ўзбек халқига доимо тинчлик, хотиржамик тилайман. Ҳар бир соҳада муваффақиятлар ёр бўлсин!Рамзан Қодиров, Чеченистон президенти
Изоҳ (0)