Toshkentdagi uchta avtobus yo‘nalishida bepul Wi-Fi paydo bo‘ldi. Uz24 ning “Toshshahartransxizmat”ga asoslanib bildirishicha, bu Wi-Fi Bus loyihasi doirasida amalga oshirildi.
Tarmoq 2 — “Chilonzor 25-kvartal — Ekskavator zavodi”, 38 — “‘Sergeli-7’ dahasi — ‘O‘zbekqishmash’ zavodi”, 72 — “‘Aviasozlar’ — ‘Yunusobod-12’ dahasi” yo‘nalishlarida ishlamoqda.
Internetga ulanish uchun har qanday uskunadan Uzmobile-Wi-Fi Bus tarmog‘ini tanlash lozim. Shundan so‘ng 9432 (Uzmobile abonentlari uchun) yoki (+99895)146-94-34 raqamiga (boshqa operatorlar abonentlari uchun) har qanday ramz tushirilgan SMS yuborish lozim. Internet tezligi qanaqaligi aniqlashtirilmayapti.
Qayd qilinishicha, bu tarmoq orqali faqat “Ziyonet.uz” milliy ma’rifiy-ko‘ngilochar portaliga kirish mumkin.
Yil oxiriga qadar 50 marshrut yo‘nalishi bepul Wi-Fi’ga ega bo‘ladi.
Izoh (0)