Тошкентдаги учта автобус йўналишида бепул Wi-Fi пайдо бўлди. Uz24 нинг «Тошшаҳартрансхизмат»га асосланиб билдиришича, бу Wi-Fi Bus лойиҳаси доирасида амалга оширилди.
Тармоқ 2 — «Чилонзор 25-квартал — Экскаватор заводи», 38 — «‘Сергели-7’ даҳаси — ‘Ўзбекқишмаш’ заводи», 72 — «‘Авиасозлар’ — ‘Юнусобод-12’ даҳаси» йўналишларида ишламоқда.
Интернетга уланиш учун ҳар қандай ускунадан Uzmobile-Wi-Fi Bus тармоғини танлаш лозим. Шундан сўнг 9432 (Uzmobile абонентлари учун) ёки (+99895)146-94-34 рақамига (бошқа операторлар абонентлари учун) ҳар қандай рамз туширилган SMS юбориш лозим. Интернет тезлиги қанақалиги аниқлаштирилмаяпти.
Қайд қилинишича, бу тармоқ орқали фақат «Ziyonet.uz» миллий маърифий-кўнгилочар порталига кириш мумкин.
Йил охирига қадар 50 маршрут йўналиши бепул Wi-Fi’га эга бўлади.
Изоҳ (0)