O‘zbekiston suveren kredit reytingini olish jarayoniga tayyorgarlikni boshlab yubordi. Bu haqda bosh vazir o‘rinbosari Jamshid Qo‘chqorov 27-sentabr kuni Xalqaro press-klub majlisida aytib o‘tdi, deb yozadi “Gazeta.uz”.
“Biz suveren reyting olish ishlarining eng boshlang‘ich bosqichidamiz. Citibank bizning konsultantimiz bo‘ladi, balki bu banklar konsorsiumi bo‘lar — buni eng yaqin kelajak ko‘rsatadi”, — dedi bosh vazir o‘rinbosari. Uning so‘zlariga ko‘ra, kredit suveren reytingini olish uchun ariza rasmiylashtirish dasturi O‘zbekiston Prezidenti tomonidan yaqin orada tasdiqlanishni kutib turibdi.
Jamshid Qo‘chqorov ma’lum qilishicha, hukumat suveren reytingni xorijdan mablag‘ jalb qilish manbalarini diversifikatsiyalash usullaridan biri sifatida ko‘rib chiqmoqda.
“Suveren reyting, avvalo — bozorda pulga ega bo‘lish uchun emas, u bizga o‘ziga xos benchmarkni aniqlab olish uchun kerak”, — dedi bosh vazir o‘rinbosari. U, shuningdek, suveren reytingni olgandan keyin O‘zbekistonning yirik kompaniyalari va banklari ham shunga o‘xshash reytingni qo‘lga kiritib, bozorda mablag‘larni jalb qila olishini aytdi.
Mamlakat kredit reytingini olish to‘g‘ridan-to‘g‘ri xorijiy investitsiyalar o‘sishiga, chet ellik sheriklar bilan hamkorlikni kengaytirishga, shuningdek, bank va korxonalarning dunyo moliyaviy bozorlarida pastroq foizli stavkalar bilan kredit mablag‘larini jalb qilish uchun qulay sharoitlarni yaratishga imkon beradi.
Izoh (0)