AQShning Indiana shtatida xato sababli talaba yegulik va suvsiz holda g‘orda qamalib qoldi. Bu haqda Fox59 xabar berdi.
Blumington shahridan 32 kilometr uzoqlikda joylashgan g‘orga uyushtirilgan ekspeditsiya vaqtida 19 yoshli talaba Lukas Kavar guruhdan ortda qolib ketgan. U g‘orning chiqish joyiga borganda darvoza yopilgan edi.
Kavar bir necha soat davomida yordamga chaqirgan, biroq hech kim javob bermagan. Mobil telefon ishlamagan. Talabaning so‘zlariga ko‘ra, keyingi uch kun davomida u o‘zi bilan o‘zi gaplashgan, uxlagan va chanqoqdan o‘lmaslik uchun g‘or devoridagi namlikni yalagan.
Talaba xabarlarga javob bermagach, uning ota-onasi qidiruvni boshlagan. Ekskursiyani tashkillashtirgan klub a’zolari g‘orga qayib kelgan va talabani izlagan.
Izoh (0)