Dunyoning turli qismlarida istiqomat qiladigan, o‘zlarini jodugar hisoblaydigan minglab odamlar AQSh prezidenti Donald Trampdan dunyoni himoya qilishga qaratilgan duolar tayyorladi. Bu haqda, The Hill nashriga asoslanib, “Interfaks” xabar bermoqda.
Aytilishicha, “jodugarlar duosi” Trampning o‘ziga zarar yetkazishga qaratilmagan. Uning yordamida jodugarlar AQSh Kongressi tomonidan ma’muriyatning immigratsiya yoki iqlim o‘zgarishi bilan bog‘liq qonunchilik tashabbuslari qabul qilinishining oldini oladi.
“Donald Trampga qarshi duolar qarg‘ish emas, ular Tramp va uning atrofidagilar odamlar, hayvonlar va atrof muhitga zarar yetkazmasligiga qaratilgan”, — ma’lum qildi jodugarlar vakili Viki Adams.
Aytilishicha, jodugarlar har oy duolarni o‘qib bormoqda. Bunda taro qartalari, shamlar, patlar va Trampning muvaffaqiyatsiz chiqqan fotosuratlaridan foydalaniladi.
Izoh (0)