O‘zbekiston banklariga xorijiy valyutada operatsiyalarni amalga oshirishga litsenziya berish amaliyoti bekor qilinadi. Tijorat banklarining xorijiy valyuta bilan amalga oshiradigan operatsiyalari bank faoliyatini amalga oshirish huquqini beruvchi litsenziya asosida amalga oshiriladi. Bu tartib O‘zbekiston Prezidenti Shavkat Mirziyoyev tomonidan 2-sentabrda imzolangan “Valyuta siyosatini liberallashtirish bo‘yicha birinchi navbatdagi chora-tadbirlar to‘g‘risida”gi Farmonda belgilangan.
Mavzuga doir: O‘zbekistonda valyuta bozorini erkinlashtirish bo‘yicha ustuvor yo‘nalishlar belgilandi
Xorijiy valyuta oldi-sotdisi bo‘yicha komission to‘lovlar miqdori ham tijorat banklari tomonidan mustaqil belgilanshi qayd etilgan.
Hujjatda xorijiy valyuta oldi-sotdisi bo‘yicha yuzaga keladigan xatarlar ham banklar vakolati doirasiga kiritilgan. Ya’ni xorijiy valyutani sotib olish va sotish bilan bog‘liq xatarlar tadbirkorlik xatariga kiritiladi va ularni boshqarish tijorat banklari vakolatiga kiradi.
Avvalroq mazkur hujjatga asosan 5-sentabrdan boshlab tijorat banklari tomonidan jismoniy shaxslardan erkin ravishda xorijiy valyuta sotib olinishi haqida xabar berilgan edi.
Izoh (0)