Bugun — 28-avgust kuni futbol bo‘yicha O‘zbekiston milliy terma jamoasi Xitoyga jo‘nab ketadi va 31-avgust kuni mamlakat bosh jamoasiga qarshi JCh—2018 saralashining 9-turi doirasida maydonga tushadi.
Tomonlarning Toshkentda o‘tgan ilk o‘yinida o‘zbekistonlik futbolchilar 2:0 hisobida ustun kelgandi. O‘sha uchrashuvdan keyin Xitoy tomoni bosh murabbiyni iste’foga chiqarib, uning o‘rniga Italiya terma jamoasini 2006-yil jahon chempionligi sari boshlab kelgan Marchello Lippini tayinladi. Bir necha yil Xitoyda faoliyat olib borgan murabbiy sifatida Lippi mamlakat futbolining ahvolidan yaxshi xabardor.
Guruhda xitoyliklar 6 ochko bilan so‘nggi o‘rinni egallab turibdi. Shunga qaramay, ularda nazariy jihatdan JCh uchun imkoniyatlar saqlanib turibdi. Bu yo‘lda birinchi galda O‘zbekiston terma jamoasini mag‘lub etish shart.
Shuningdek, Samvel Babayan boshqaruvidagi O‘zbekiston termasi JCh uchun to‘g‘ridan-to‘g‘ri yo‘llanmani qo‘lga kiritish uchun birinchi navbatda Uxan shahridagi o‘yinni o‘z foydasiga hal qilishi shart.
Samvel Babayan Xitoy va Janubiy Koreyaga qarshi o‘yinlar uchun 27 nafar futbolchini chaqirgan:
Darvozabonlar
- Aleksandr Lobanov —“Paxtakor”
- Ignatiy Nesterov — “Lokomotiv”
- Nikita Ribkin — “Qo‘qon-1912”
Himoyachilar
- Vitaliy Denisov — “Lokomotiv”, Rossiya
- Anzur Ismoilov — “Chanchun Yatay”, Xitoy
- Yegor Krimets — “Beydzing Guoan”, Xitoy
- Islom To‘xtaxo‘jayev — “Lokomotiv”
- Vladimir Kozak — “Paxtakor”
- Sherzod A’zamov — “Paxtakor”
- Davron Hoshimov — “Paxtakor”
- Farrux Sayfiyev — “Nasaf”
- Akmal Shorahmedov — “Nasaf”
Yarim himoyachilar
- Eldor Shomurodov — “Rostov”, Rossiya
- Odil Ahmedov — “Shanxay SIPG”, Xitoy
- Server Jeparov — “Istiqlol”, Eron
- Fozil Musayev — “Jubilo Ivata”, Yaponiya
- Sardor Rashidov — “Al-Jazira”, BAA
- Aziz Haydarov — “Ajman”, BAA
- Jaloliddin Masharipov — “Lokomotiv”
- Sardor Mirzayev — “Lokomotiv”
- Marat Bikmayev — “Lokomotiv”
- Otabek Shukurov — “Bunyodkor”
- Jamshid Iskanderov — “Paxtakor”
- Aziz G‘aniyev — “Nasaf”
Hujumchilar
- Temurxo‘ja Abduxoliqov — “As-Sayliya”, Qatar
- Aleksandr Geynrix — “Ordabasi”, Qozog‘iston
- Igor Sergeyev — “Paxtakor”
Izoh (0)