Бугун — 28 август куни футбол бўйича Ўзбекистон миллий терма жамоаси Хитойга жўнаб кетади ва 31 август куни мамлакат бош жамоасига қарши ЖЧ—2018 саралашининг 9-тури доирасида майдонга тушади.
Томонларнинг Тошкентда ўтган илк ўйинида ўзбекистонлик футболчилар 2:0 ҳисобида устун келганди. Ўша учрашувдан кейин Хитой томони бош мураббийни истеъфога чиқариб, унинг ўрнига Италия терма жамоасини 2006 йил жаҳон чемпионлиги сари бошлаб келган Марчелло Липпини тайинлади. Бир неча йил Хитойда фаолият олиб борган мураббий сифатида Липпи мамлакат футболининг аҳволидан яхши хабардор.
Гуруҳда хитойликлар 6 очко билан сўнгги ўринни эгаллаб турибди. Шунга қарамай, уларда назарий жиҳатдан ЖЧ учун имкониятлар сақланиб турибди. Бу йўлда биринчи галда Ўзбекистон терма жамоасини мағлуб этиш шарт.
Шунингдек, Самвел Бабаян бошқарувидаги Ўзбекистон термаси ЖЧ учун тўғридан-тўғри йўлланмани қўлга киритиш учун биринчи навбатда Ухан шаҳридаги ўйинни ўз фойдасига ҳал қилиши шарт.
Самвел Бабаян Хитой ва Жанубий Кореяга қарши ўйинлар учун 27 нафар футболчини чақирган:
Дарвозабонлар
- Александр Лобанов —«Пахтакор»
- Игнатий Нестеров — «Локомотив»
- Никита Рибкин — «Қўқон-1912»
Ҳимоячилар
- Виталий Денисов — «Локомотив», Россия
- Анзур Исмоилов — «Чанчун Ятай», Хитой
- Егор Кримец — «Бейдзинг Гуоан», Хитой
- Ислом Тўхтахўжаев — «Локомотив»
- Владимир Козак — «Пахтакор»
- Шерзод Аъзамов — «Пахтакор»
- Даврон Ҳошимов — «Пахтакор»
- Фаррух Сайфиев — «Насаф»
- Акмал Шораҳмедов — «Насаф»
Ярим ҳимоячилар
- Элдор Шомуродов — «Ростов», Россия
- Одил Аҳмедов — «Шанхай СИПГ», Хитой
- Сервер Жепаров — «Истиқлол», Эрон
- Фозил Мусаев — «Жубило Ивата», Япония
- Сардор Рашидов — «Ал-Жазира», БАА
- Азиз Ҳайдаров — «Ажман», БАА
- Жалолиддин Машарипов — «Локомотив»
- Сардор Мирзаев — «Локомотив»
- Марат Бикмаев — «Локомотив»
- Отабек Шукуров — «Бунёдкор»
- Жамшид Искандеров — «Пахтакор»
- Азиз Ғаниев — «Насаф»
Ҳужумчилар
- Темурхўжа Абдухолиқов — «Ас-Сайлия», Қатар
- Александр Гейнрих — «Ордабаси», Қозоғистон
- Игорь Сергеев — «Пахтакор»
Изоҳ (0)