Toshkent shahrida istiqomat qiluvchi mehnat faxriysi Ismoil Jo‘rabekov O‘zbekiston Prezidenti Shavkat Mirziyoyevning 26-avgustdagi farmoniga muvofiq “Do‘stlik” ordeni bilan mukofotlandi. Farmon matni Prezident saytida e’lon qilingan.
Farmonga ko‘ra, mukofot O‘zbekiston “mustaqilligini mustahkamlash, uning iqtisodiy qudratini yuksaltirish ishlariga qo‘shgan munosib hissasi, yurtimizda barcha sohalarda amalga oshirilayotgan keng ko‘lamli islohotlardagi faol ishtiroki, Vatanimiz taraqqiyoti va xalqimiz farovonligini ta’minlash borasidagi ko‘p yillik fidokorona mehnati, jamiyatimizda millatlararo do‘stlik va totuvlikni qaror toptirish hamda yosh avlodni vatanparvarlik va istiqlol g‘oyalariga sadoqat ruhida tarbiyalashdagi katta xizmatlari uchun” taqdim etilgan.
Mukofotlanganlarning to‘liq ro‘yxati bilan bu yerda tanishish mumkin.
Ma’lumot uchun, Ismoil Jo‘rabekov ko‘p yillar davomida O‘zbekiston hukumatida turli yuqori lavozimlarda ishlagan. Nafaqaga chiqishi (2004-yili) arafasida O‘zbekiston Birinchi Prezidenti Islom Karimovning Davlat maslahatchisi sifatida faoliyat olib borgan.
Izoh (0)