Eron Vashington tomonidan Tehronga qarshi yangi sanksiyalar joriy etilgan taqdirda o‘sha zahoti yadro kelishuvidan chiqishi mumkin. Bu haqda mamlakat prezidenti Hasan Ruhoniy ma’lum qildi, deya xabar beradi “TASS”.
“Agar AQSh yana eski uslublarga qaytishni istagudek bo‘lsa, qisqa muddat — oy yoki hafta davomida emas, bir necha kun yoki soat mobaynida yadro kelishuvigacha bo‘lgan vaziyatga qaytamiz”, — ta’kidladi Ruhoniy.
Ma’lumot uchun, Eron va “oltilik” (Rossiya, Buyuk Britaniya, Xitoy, AQSh, Fransiya va Germaniya) 2015-yil 14-iyulda Tehron atom dasturi bo‘yicha kelishuvga erishgandi. Mazkur kelishuv Eronga tatbiq etilgan sanksiyalar bekor qilinishini ko‘zda tutadi, buning evaziga Tehron yadro faoliyatini cheklash majburiyatini zimmasiga olgandi.
Izoh (0)