Эрон Вашингтон томонидан Теҳронга қарши янги санкциялар жорий этилган тақдирда ўша заҳоти ядро келишувидан чиқиши мумкин. Бу ҳақда мамлакат президенти Ҳасан Руҳоний маълум қилди, дея хабар беради «ТАСС».
«Агар АҚШ яна эски услубларга қайтишни истагудек бўлса, қисқа муддат — ой ёки ҳафта давомида эмас, бир неча кун ёки соат мобайнида ядро келишувигача бўлган вазиятга қайтамиз», — таъкидлади Руҳоний.
Маълумот учун, Эрон ва «олтилик» (Россия, Буюк Британия, Хитой, АҚШ, Франция ва Германия) 2015 йил 14 июлда Теҳрон атом дастури бўйича келишувга эришганди. Мазкур келишув Эронга татбиқ этилган санкциялар бекор қилинишини кўзда тутади, бунинг эвазига Теҳрон ядро фаолиятини чеклаш мажбуриятини зиммасига олганди.
Изоҳ (0)