Pokistondagi portlashda uch kishi halok bo‘ldi

Pokiston janubi-g‘arbidagi Bajaur viloyatida bomba portlashi oqibatida uch kishi halok bo‘ldi, 26 kishi yaralandi. Bu haqda, AP’ga asoslanib, “Interfaks” xabar bermoqda.

Portlash ishchilarni olib ketayotgan yuk mashinasi yaqinida ro‘y berdi. Yaradorlar shifoxonaga yetkazildi.

Hozircha hech bir terrorchi guruh javobgarlikni zimmasiga olmadi.