Yangi Zelandiyadagi Antarktika merosi jamg‘armasi olimlari Ader burnidagi chayladan 106 yillik pishiriq topdi. Britaniyaning Huntley & Palmers qandolat firmasida tayyorlangan, qog‘ozga o‘ralgan mevali keks cho‘yan quti ichida qolib ketgan ekan, deb xabar beradi Meduza.
Jamg‘arma xodimlarining so‘zlariga qaraganda, quti yomon ahvolda edi, ammo desertning o‘zi “yesa bo‘ladigan” darajada yangiday ko‘rinardi.
Olimlarning fikricha, pishiriq “Terra Nova” ekspeditsiyasi Shimoliy partiyasi oziq-ovqat zaxiralarining bir qismi bo‘lgan. Aynan o‘sha guruh Ader burnida istiqomat qilgan.
Ilgari xuddi shu yerdan 1912-yili halok bo‘lgan tadqiqotchi Edvard Uilsonning portreti topilgan edi. U “Terra Nova” Janubiy partiyasining Janubiy qutbga safari chog‘ida halok bo‘lgan edi.
Izoh (0)