O‘zbekiston Respublikasi Moliya vazirligi tartibga solinuvchi davlat narxlari ro‘yxatini e’lon qildi. Hujjatga ko‘ra 2017-yil 1-iyuldan e’tiboran bir tonna shakar xomashyosining narxi 4 114 200 so‘m etib belgilandi, deb xabar berdi “Novosti Uzbekistana”.
Ayni vaqtda O‘zbekistonda 8 turdagi mahsulot narxlari davlat tomonidan boshqariladi. Bularga etil va texnik spirt, shakar, paxta xomashyosi va tolasi, paxta moyi, don, bug‘doy uni va bug‘doy noni kiradi.
Moliya vazirligining ma’lumotiga ko‘ra, 2017-yil 1-iyuldagi holati bo‘yicha Andijon biokimyo zavodida ishlab chiqarilgan oziq-ovqat etil spirtining ming dekalitri 61,3 million so‘m, Yangiyo‘l “Biokimyo” AJ tomonidan ishlab chiqarilgan ming dekalitr etil spirt 59,3 million so‘m etib belgilangan.
Bir tonna paxta xomashyosining narxi 1,2 million so‘m, paxta tolasiniki esa 4,1 million so‘mni tashkil etmoqda.
Davlat tomonidan paxta yog‘ining bir tonnasiga nisbatan o‘rnatilgan narx 3,7 million so‘mga, o‘simlik yog‘ining bir tonnasiniki esa 3,3 million so‘mga teng.
Hujjatga ko‘ra, joriy yilda bir tonna paxta kunjarasining narxi 919 ming so‘m, sheluxa — 483,8 ming so‘m etib belgilangan. 2016-yilda bir tonna bug‘doyning sotib olinish narxi 503,5 mingni tashkil etgan.
Izoh (0)