Andijon viloyatining Buloqboshi tumanida umumiy qiymati 203,9 million dollarlik yangi sement zavodi quriladi, deya xabar bermoqda UzDaily Shavkat Mirziyoyevning 20-iyuldagi qaroriga tayanib.
Hujjatga muvofiq, yangi zavodning quvvati yiliga 1,2 million tonna portlandsementga teng bo‘ladi. Yangi zavodda sement ishlab chiqarishda yoqilg‘i-energetika resurslarining muqobil turlari, shu jumladan, ko‘mirdan foydalaniladi.
Loyihani amalga oshirish uchun Shangfeng-Bridge of Friendship qo‘shma korxonasi tuzildi. Qo‘shma korxona ta’sischilari Xitoyning Zhejiang Shangfeng Building Materials Co. Ltd va Tunli kompaniyalari, shuningdek, O‘zbekistonning Juydam Ta’mir Qurilish MChJ korxonasi bo‘ldi.
Loyiha 136,3 million dollarlik to‘g‘ridan-to‘g‘ri xorijiy investitsiyalar va kreditlar, “O‘zsanoatqurilishbank”ning 14,9 million dollarlik krediti, Shangfeng-Bridge of Friendship QKning xususiy mablag‘lari hamda xorijiy investorlarning 52,7 million dollarlik kreditlari hisobidan moliyalashtiriladi.
Izoh (0)