Bavariyaning Bad-Tyolts shahrida yashovchi voyaga yetmagan bolakay pul tarqatish orqali ko‘proq do‘st to‘plashga qaror qildi, deb xabar berdi Süddeutsche Zeitung.
Gazetaning ma’lumotlariga ko‘ra, 13 yoshli bolakay ota-onasidan 10 ming yevro olgan va uni uyga yashirib qo‘ygan. 8-iyul kuni ertasi u pullarni futbol klubidagi tanishlariga tarqata boshlagan. Har bir bolaga 100 dan 2400 yevrogacha pul tekkan.
Bundan xabar topgan ota-ona politsiyaga murojaat qilgan va huquq-tartibot xodimlaridan yo‘qotilgan pullarni qaytarishda yordam ko‘rsatishini iltimos qilgan. Ba’zilar pullarning ayrim qismini o‘z xohishi bilan politsiyaga topshirgan, ular 4,5 ming yevroni yig‘ishga muvaffaq bo‘lgan. Qolgan pullarni hozircha qaytarishning iloji bo‘lmadi.
Nashrning aniqlik kiritishicha, tarqatilgan pullar “cho‘ntak pullari bandi”ga mos kelmaydi, shuning uchun pullarni olgan odamlar ularni o‘z xohishiga ko‘ra ishlatishlari mumkin.
Izoh (0)