Американинг Медфорд шаҳрида (Массачусетс штати) маҳаллий Kiss 108 радиостанциясига бир эркак келиб Insane Clown Posse гуруҳининг «Менинг болтам» қўшиғини қўйишни талаб қилди, деб хабар берди TJournal.
Радиостанция ходимлари америкаликка бир неча бор рад жавобини берган. Эркак бино ёнидаги автотураргоҳга пичоқ кўтариб чиққан ва ходимлардан биридан қўшиқ қўйишни талаб қилган. У рози бўлмаган ва полицияни ёрдамга чақирган.
Автотураргоҳга ҳуқуқ-тартибот ходимлари билан бирга махсус SWAT бўлими ҳам етиб келган. Улар уч соат давомида эркак билан муросага келишга ҳаракат қилган, бироқ у болта билан таҳдид қилиб автомобилда ўтирган.
Шундан сўнг америкалик пичоқ кўтариб автотураргоҳга чиққан ва уни қуроллаган полиция ходимлари қуршаб олишга муваффақ бўлди. У анча вақтга қадар қаршилик кўрсатган ва бир нечта электрошокер зарбасидан кейин ҳам таслим бўлишни истамаган. «Ҳатто ходимлардан бири радиостанциядан эркак тинчланиши учун «Менинг болтам« қўшиғини қўйиб беришни сўраган», — дейди гувоҳлардан бири.
Натижада эркак қўлга олинган ва ҳеч кимга ҳужум қилмаслиги учун тез ёрдам машинасидаги замбилга боғлаб қўйилган. Унинг маст ҳолда эканлиги маълум қилинди. Полиция унинг исмини ошкор қилмади, уни эндиликда тиббиёт экспертизаси кутмоқда.
Изоҳ (0)