2017-yilning 10-iyul kuni O‘zbekiston Respublikasi Tashqi ishlar vazirligi binosida Yevropa investitsiya banki (YIB) vakillari bilan tashqi ishlar, moliya, adliya vazirliklari, Investitsiyalar bo‘yicha davlat qo‘mitasi, Bosh prokuratura, Qimmatli qog‘ozlar bozorini muvofiqlashtirish va rivojlantirish markazi, Bosh prokuratura huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti ekspertlari ishtirokida telekonferensiya o‘tkazildi. Bu haqda TIV matbuot xizmati xabar berdi.
Tadbir davomida O‘zbekiston hududida YIBning faoliyati to‘g‘risidagi hadli bitim loyihasi mutaxassislar tomonidan moddama-modda ko‘rib chiqildi.
Muhokama yakunlariga ko‘ra mazkur bitim loyihasini kelishish uchun davlat ichki jarayonlarini amalga oshirish bo‘yicha ishlarni faollashtirish va uni imzolashga tayyorlash to‘g‘risida kelishuvga erishildi.
Shuningdek, yaqin vaqt ichida mazkur bitim loyihasi bo‘yicha muzokaralarning navbatdagi raundini o‘tkazish ham kelishib olindi.
Izoh (0)