Shavkat Mirziyoyev: Asosiy maqsadimiz – odamlarga barcha zarur qulayliklarni yaratishdir

Avval xabar qilinganidek, Toshkent shahri atrofida tezyurar elektrichka qatnovi yo‘lga qo‘yiladi. Davlat rahbari ushbu temiryo‘l qurilishi loyihasini ko‘zdan kechirdi. Bu haqda O‘zA xabar berdi.

Elektrichka ikki yo‘lli bo‘ladi. Kanallar va ko‘chalar kesishgan joydan estakadalar orqali olib o‘tiladi.

Prezident O‘zbekistonda bu yangi soha ekani, uni loyihalashtirishda ilg‘or xorij tajribasini o‘rganish, shu sohaga ixtisoslashgan mutaxassislarni jalb etish zarurligini, eng asosiysi, bironta ham uy buzilmasligi kerakligini alohida ta’kidladi.

Asosiy maqsadimiz – odamlarga barcha zarur qulayliklarni yaratish. Bu yo‘lni boshqa yo‘llar bilan oqilona bog‘lash orqali shahar transporti yuklamasini 30-40 foizgacha yengillashtirish mumkin. Yo‘nalish va bekatlarni aholining talab va ehtiyojlari, shu bilan birga, shaharning kelgusi rivojlanishini inobatga olib loyihalashtirish zarur.

Shavkat Mirziyoyev, O‘zbekiston Prezidenti