Turizmni rivojlantirish davlat qo‘mitasi yangilangan Uzbekistan.travel portalini ishga tushirdi. Bu haqda qo‘mita matbuot xizmati xabar bermoqda.
Mazkur portal mahalliy va xorijiy sayyohlarga mamlakat haqida ko‘proq foydali ma’lumot olishga yordam beruvchi tizimdan iborat. Portal materiallari ikki yo‘nalishga bo‘lingan: O‘zbekiston haqida ma’lumotlar (obidalar, ko‘ngilochar va dam olish maskanlari, muzeylar va hokazo) hamda mutolaa uchun qiziqarli bo‘lgan katta hajmdagi materiallar.
Shuningdek, saytda O‘zbekiston tarixi va madaniyati, milliy taomlar, sayyohlik turlari, mamlakatga kirish-chiqish, viza olish qoidalari, mobil aloqa operatorlari va taksi xizmatlari to‘g‘risidagi ma’lumotlar o‘rin olgan.
Uzbekistan.travel rus, ingliz, nemis, ispan, xitoy, fransuz va koreys, jami 7 tildagi materiallarni taqdim etdi.
Izoh (0)