O‘zbekiston Prezidenti Shavkat Mirziyoyev Namangan viloyatiga tashrifi chog‘ida Bobur nomidagi madaniyat va istirohat bog‘ida tashkil etilgan Gulchilar assotsiatsiyasi faoliyati bilan tanishdi, deb xabar berdi O‘zA.
“Bu sohaga alohida e’tibor qaratish kerak. Assotsiatsiyaga yer maydoni ajratish, ularni qo‘llab-quvvatlash lozim. Viloyatning har bir tumanida assotsiatsiya bo‘limlarini tashkil qilish, ularga malakali gulchilarni taklif etish darkor”, — dedi Shavkat Mirziyoyev.
Prezident Namangan texnika universitetida maxsus fakultet tashkil qilib, gulchilik ilmini yoshlarga o‘rgatish, O‘zbekiston Fanlar akademiyasi bilan faol hamkorlik aloqalarini yo‘lga qo‘yish bo‘yicha tegishli ko‘rsatmalar berdi.
Izoh (0)