Sirdaryo viloyati bojxona boshqarmasi xodimlari tomonidan Sayxunobod tumanida o‘tkazilgan tezkor tadbir davomida qishloq xo‘jaligidan foydalaniladigan mineral o‘g‘itlarning noqonuniy aylanmasi fosh qilindi. Bu haqda “Daryo”ga viloyat bojxona boshqarmasi matbuot xizmati ma’lum qildi.
Sayxunobod tumanini harakatlanayotgan Isuzu rusumli yuk avtomashinasi huquqni muhofaza qiluvchi boshqa idoralar vakillari bilan hamkorlikda belgilangan tartibda va xolislar ishtirokida ko‘zdan kechirilganda, unda fuqaro I.Do‘smatov tomonidan sohta hujjatlar asosida umumiy qiymati salkam 130 million so‘mlik, O‘zbekiston Respublikasida ishlab chiqarilgan 8 tonna ammiakli selitra hamda boshqa turdagi 150 kilogramm mineral o‘g‘itlar noqonuniy ravishda olib ketilatganligi fosh bo‘ldi.
Hozirda mazkur holat yuzasidan tergovoldi tekshiruv ishlari olib borilmoqda.
Izoh (0)